“Tottenhem”in yeni baş məşqçisi Joze Mourinyo qış transfer pəncərəsi dövründə komandada heyətlə bağlı ciddi dəyişiklik etməyəcəyini açıqlayıb.
Corner.az xəbər verir ki, 56 yaşlı mütəxəssis Britaniya mətbuatına açıqlamasında bunu belə izah edib:
“Ən yaxşı heyət hazırda ixtiyarımda olan futbolçulardı. Yeniləri mənə lazım deyil. Mənə hazırda bu futbolçuları yaxşı tanımaq qalır. Təbii ki, onların hər birini yaxşı tanıyıram. Amma bu tanışlıq onları daha yaxından tanıyana qədər yetərli olmaya bilər”.
“The Guardian” nəşrinin iddiasına görə isə London klubu Mourinyonu baş məşqçi postuna gətirərkən ona şərt qoyub. Belə ki, rəhbərlik qışda transfer üçün heç bir vəsait ayrılmayacağını bildirib.
