Barselonaya şöhrət olmaq üçün gəlməmişəm - Qrizmann
"Barselona”nın futbolçusu Antuan Qrizmann onu “Atletiko”dan Kataloniya klubuna keçidinə görə tənqid edən madridli azarkeşlərə cavab verib.
Corner.az xəbər verir ki, 28 yaşlı hücumçusu “Marca”ya açıqlamasında “Barselona”ya şöhrət dalınca gəlmədiyini söyləyib:“Ateltiko”dan Çempionlar Liqasını və digər titulları qazanmaq üçün ayrılmamışam. Barselonaya yeni oyun üslubu, yeni fəlsəfə öyrənmək üçün köçmüşəm. “Atletiko” istənilən mövsüm Çempionlar Liqası və İspaniya La Liqasını qazana bilər”.Qeyd edək ki, Qrizmann bu yay 120 milyon avro qarşılığında “Atletiko”dan “Barselona”ya keçib.(qol)
