İspaniya La Liqasının 10-cu turundan təxirə salınmış “Barselona” ilə oyun “Real”ın kapitanı Serxio Ramos üçün əlamətdar olub.
Corner.az xəbər verir ki, Madrid təmsilçisində 15-ci mövsümünü keçirən 33 yaşlı müdafiəçi “El Klasiko”larda ən çox çıxış edən futbolçu olub.
Start heyətdə meydana çıxan ispaniyalı futbolçu 43-cü dəfə “El Klasiko” iştirakçısı olub. Bununla da o, "El Klasiko”larda 42 dəfə meydana çıxmış Manuel Maçis, Pako Xento və Xavini geridə qoyub. Eyni zamanda “Barselona”nın lideri Lionel Messi də 42-ci “El Klasiko” matçına çıxıb.
Xatırladaq ki, Serxio Ramos ilk dəfə “Barselona”ya qarşı 2005/06 mövsümündə “Nou Kamp”da oynayıb.
