Dua edirəm ki, Neymar qayıtsın - “Barcelona”nın futbolçusu

“Barselona”nın braziliyalı futbolçusu Artur, PSG-də çıxış edən həmyerlisi Neymar haqda açıqlama verib.

Corner.az xəbər verir ki, İspaniyanın “Mundo Deportivo” nəşrinə danışan Artur, Neymarın yenidən Kataloniya təmsilçisinə qayıtmasını istədiyini deyib:

“Dua edirəm ki, Neymar yenidən bura qayıtsın. O, inanılmaz bir futbolçudur. “Barcelona”nın heyətində çoxlu güclü və yaxşı futbolçular var. Onun “Barsa”ya qayıtması bizi daha da gücləndirər.

Neymarın geri gəlməsi üçün çoxlu səbəblər var. Ancaq yenə də, bu, onun öz həyatıdır və özü hər şeyi çox yaxşı bilir”.

Qeyd edək ki, Neymar 2017-ci ildə 222 milyon avroya "Barcelona"dan PSG-yə transfer edilib (komanda.az)