Marseloa - 350, Varan - 300

"Real” İspaniya La Liqasının 20-ci turu çərçivəsində “Sevilya”nı 2:1 hesabıyla məğlub edib.

Corner.az klubun saytına istinadən xəbər verir ki, bu görüş “Real”ın futbolçuları – Marselo və Rafael Varan üçün əlamətdar olub. Marselo “Real”ın heyətində La Liqada 350-ci oyuna çıxıb. Braziliyalı müdafiəçi bu oyunların 243-də qalib gəlib, 25 qolla yadda qalıb.

Varan üçün isə “Sevilya”yla matç “Real”ın heyətində bütün turnirlər nəzərə alınmaqla 300-cü oyun olub. 2011-ci ildən Madrid klubunda çıxış edən fransalı futbolçu, bu qarşılaşmaların 201-də qalib gəlib və 14 qol vurub.