“Valensiya” klubu ciddi itki ilə üzləşib.
Corner.az xəbər verir ki, "yarasalar"ın hücumçusu Maksi Qomes sıradan çıxıb.
23 yaşlı futbolçu “Betis”ə 1:2 hesabıyla məğlub olduqları oyunda zədələnib. Oyundan sonra ətraflı müayinə olunan futbolçunun sol ayaq barmağında qırıq aşkarlanıb. Bu səbəbdən gənc futbolçunun qarşıdakı günlərdə əməliyyat olunacağı bildirilir. Qomes azı 6 həftə yaşıl meydanlardan uzaq qalacaq.
Qeyd edək ki, uruqvaylı futbolçu bu mövsüm “Valensiya”da 22 oyuna çıxıb, 8 qol vurub.
