La Liqada yeni mövsüm sentyabrda başlaya bilər

İspaniya La Liqasının 2020/2021 mövsümü sentyabrda başlaya bilər.

Corner.az xəbər verir ki, bu barədə "Marca" məlumat yayıb. Məlumatda bildirilir ki, dünən La Liqa rəhbərliyi və İspaniya Futbolçular Assosiasiyası çempionatın dayandırılması ilə bağlı vəziyyəti müzakirə ediblər. Qeyd olunub ki, bu mövsüm mayın ortalarından etibarən bərpa edilə bilər. Bu halda növbəti mövsüm sentyabrda başlayacaq.

Eyni zamanda turnirə qeyd olunan start veriləcəyi təqdirdə, çempionatda İngiltərə Premyer Liqasında olduğu kimi Milad və Yeni il tətilləri üçün ənənəvi bir fasilə olmayacaq.(qol)