Real stadionunu dəyişir

"Real Madrid" klubu cari mövsümün qalan oyunlarını "Santyaqo Bernabeu" stadionunda keçirməyə bilər.

Corner.az "Marca"ya istinadən xəbər verir ki, "Kral klubu" bununla bağlı İspaniya Futbol Federasiyasına müraciət edib.

İddiaya görə, Madrid təmsilçisi koronavirus pandemiyası səbəbindən təxirə salınan La Liqa matçlarının azarkeşsiz keçirilməsinə qərar veriləcəyi təqdirdə rəqiblərini əvəzedici komandaya məxsus və 6 minlik azarkeş tutumu olan "Alfredo di Stefano"da qəbul edəcəkdir.

Federasiyanın klubun müraciətinə müsbət cavab verdiyi bildirilib.

Qeyd edək ki, 27 turdan sonra 56 xal toplayan "Real Madrid" 2-ci pillədə qərarlaşıb.