Uels millisinin və “Real”ın yarımmüdafiəçisi Qaret Beyl də koronavirus pandemiyası ilə əlaqədar yardım aksiyasına qoşulub.
Corner.az xəbər verir ki, 30 yaşlı futbolçu Uels Universiteti Xəstəxanasına 500 min funt-sterlinq bağışlayıb. Bu barədə sözügedən xəstəxanadan yayılan açıqlamada bildirilir:
“Uels millisinin və “Real”ın futbolçusu Qaret Beyl və həyat yoldaşına göstərdiyi yardım üçün təşəkkür edirik”.
Təcrbüəli futbolçu bununla bağlı açıqlama da verib: “Ən çətin mübarizə hazırda səhiyyə işçilərinin üzərinə düşür. Bu xəstəxana mənim üçün çox özəldi. Çünki mən burada anadan olmuşam. Xəstəxananın mənə və ailəmə böyük xidmətləri olub. İndi biz onlara dəstək vermək istədik”.