İspaniya 2-ci liqasında 2019/20 mövsümünə yekun vurulub.
Corner.az xəbər verir ki, millimizin yarımmüdafiəçisi Eddi İsrafilovun formasını geyindiyi “Albasete” də bu mövsümün son matçına çıxıb.
Sözügedən komanda 42-ci tur çərçivəsində səfərdə “Kadis”in qonağı olub. Futbolçumuzun komandası bu oyundan qələbə ilə ayrılıb – 1:0.
İsrafilov bu oyunun iştirakçısı olmayıb. O, sonadək ehtiyatda qalıb.
Qeyd edək ki, “Albasete” bu qələbə sayəsində xal ehtiyatını 52-yə çatdırıb və 22 iştirakçı arasında 17-ci yeri tutmaqla aşağı liqaya düşməkdən qurtulub.