Kasilyasa qarşı oynamaq çətin idi - Messi

"Barselona"nın hücumçusu Lionel Messi "Real"ın sabiq qapıçısı İker Kasilyasın karyerasını bitirməsinə münasibət bildirib.

Corner.az xəbər verir ki, argentinalı hücumçu 39 yaşlı qolkiper barədə xoş sözlər söyləyib:

"Kasilyas futboldan ayrılsa da, adı çoxdan tarixə keçib. Yalnız liqada titullar aldığına görə yox, beynəlxalq səviyyədə hər şeyi qazanmağı bacardığı üçün. O, böyük qapıçıdır və həqiqət budur ki, Kasilyasa qarşı oynamaq mənim üçün çətin idi. Ancaq geriyə baxanda düşünürəm ki, hər dəfə bir-birimizlə rəqib olduğumuz zaman gözəl bir rəqabət olurdu”.

Qeyd edək ki, Kasilyas daha öncə Messini qarşılaşdığı ən yaxşı hücumçu olduğunu açıqlamışdı.