İspaniyanın “Almeriya” klubunun bir üzvündə koronavirus aşkarlanıb.
Corner.az xəbər verir ki, bu barədə klubun mətbuat xidməti məlumat yayıb.
Virusa yoluxmuş şəxsin kimliyi açıqlanmayıb. Həmin şəxs karantinə alınıb, komanda isə məşqlərini dayandırıb.
“Almeriya” La Liqaya vəsiqə uğrunda “Jirona” ilə pley-off matçı oynamalıdır. İki oyundan ibarət olan qarşılaşmalar avqustun 13 və 16-da keçirilməlidir.
“Almeriya”nı “Real”ın sabiq futbolçusu Quti Hernandes çalışdırır.
