- İspaniya L.L.
- 23:48 23.03.2026
"Barselona"nın futbolçusu Samuel Umtitinin koronavirus testinin nəticəsi müsbət çıxıb.
Corner.az klubun rəsmi saytına istinadən xəbər verir ki, xəstəliyi simptomsuz keçirən fransalı müdafiəçi dərhal evində karantinə alınıb.
Kataloniya təmsilçisinin məsələ ilə bağlı UEFA-nı məlumatlandırdığı və oyunçu ilə yaxın ünsiyyətdə olan hər kəsdən analiz götürüldüyü bildirilib.
Qeyd edək ki, S.Umtiti zədə səbəbindən komandasının UEFA Çempionlar Liqasının 1/4 finalmərhələsində "Bavariya" ilə bugünkü matçı üçün Portuqaliyanın paytaxtı Lissabona yollanmayıb.
