Barselona Setyeni istefaya göndərdi

"Barselona" baş məşqçi Kike Setyeni istefaya göndərib. 

Corner.az xəbər verir ki, bunu klub prezidenti Xosep Bartomeu COPE radiosuna açıqlamasında deyib. Klub rəhbəri "61 yaşlı mütəxəssis işindən azad olundu" deyə qeyd edib.

İspaniya mətbuatı Setyenin yerinə Ronald Kuman, Maurisio Poçettino, Massimiliano Alleqri və Terri Anrinin namizəd olduğunu yazır.

Qeyd edək ki, bu ilin yanvar ayından Setyenin rəhbərliyi altında çıxış edən "Barselona" İspaniya La Liqasında mövsümü 2-ci pillədə başa vurub. Komanda Çempionlar Liqasının 1/4 finalında "Bavariya"ya ağır məğlubiyyət alaraq (2:8) turnirlə vidalaşıb.