Messinin qiyməti bəlli oldu

 "Barselona" klubu futbolçusu Lionel Messi ilə 700 milyon avroya vidalaşmağa hazırdır. 

Corner.az "Daily Mirror"a istinadən xəbər verir ki, argentinalı hücumçunu əldə etmək istəyən klub bu məbləği tam ödəməli olacaq. 33 yaşlı futbolçu ilə "İnter", PSJ və  "Mançester Siti" yaxından maraqlanır.  

Qeyd edək ki, Lionel Messinin "Barselona" ilə müqaviləsi 2021-ci ilin yayında başa çatır. Klub onu komandada saxlamaq niyyətindədir. Messi ötən mövsüm 44 oyuna 31 qol vurub və 24 məhsuldar ötürmə verib. "Transfermarkt.de" ulduz futbolçuya 112 milyon avro qiymət qoyub.