Messi bazaya getmədi

“Barselona”dan ayrılacağı gözlənilən kapitan Lionel Messi bu gün koronavirus testindən keçmək üçün bazaya getməyib.

Corner.az “Mundo Deportivo”ya istinadən xəbər verir ki, Kataloniya təmsilçisinin bütün futbolçuları test nümunələri götürülməsi üçün bu gün yerli vaxtla 08:00 – 12:00 aralığında klubun bazasında olmalı idi. Argentinalı hücumçu saat 10:15-dək testdən keçməli olsa da, o, klubun bazasına gəlməyib.

Bildirilir ki, 33 yaşlı oyunçu komandanın məşqlərinə də qatılmağı planlaşdırmır.

Qeyd edək ki, bundan əvvəl “Barselona”nın Messini “Mançester Siti”yə satmağa razılıq verdiyi bildirilmişdi.(qol)