Kuman Qvardiolanın qaydasını bərpa etdi

"Barselona"nın yeni baş məşqçisi Ronald Kuman Kataloniya təmsilçisində Pep Qvardiolanın rəhbərliyi altında qüvvədə olan qaydanı bərpa edib.

Corner.az sport.es-ə istinadən xəbər verir ki, qaydaya əsasən, bütün  futbolçular hazırlıqların başlamasından bir saat əvvəl bazaya gəlməlidir.

Bu qaydanı ilk dəfə Pep Qvardiola Kataloniya klubunun çalışdırıcısı olarkən tətbiq edib. Lakin digər məşqçilərin gəlişi ilə daha sonra bu qayda yerinə yetirilməyib. Kuman daha yaxşı nizam-intizam yaratmaq üçün bundan istifadə etməyə qərar verib.

Qvardiola 2008-2012-ci illərdə "Barselona"nın baş məşqçisi olub.(qol)