Kuman 2 futbolçunu komandadan kənarlaşdırdı

 "Barselona"nın yeni baş məşqçisi Ronald Kuman futbolçular - Luis Suares və Arturo Vidalı əsas komandanın məşqlərindən kənarlaşdırıb.

Corner.az ESPN nəşrinə istinadən xəbər verir ki, niderlandlı mütəxəssis sözügedən oyunçular komandanı tərk edəcəyi üçün bu addım atıb.

Uruqvaylı hücumçunun "Yuventus", çilili yarımmüdafiəçinin isə "İnter" klubuna keçəcəyi gözlənilir. Hər iki futbolçu fərdi qaydada məşq edir.

Qeyd edək ki, bir müddət öncə komandadan ayrılacağını söyləyən Lionel Messi isə qərarını dəyişib. "Barselona"da qalacağını açıqlayan argentinalı hücumçu sentyabrın 7-dən məşqlərə qoşulacaq.