- İspaniya L.L.
- 21:54 30.04.2026
"Sevilya"nın futbolçusu Munir El-Haddadidə koronavirus aşkarlanıb.
Corner.az klubun rəsmi saytına istinadən xəbər verir ki, 25 yaşlı hücumçudan götürülən analizin nəticəsi müsbət çıxıb.
Karantinə alınan ispaniyalı futbolçunun özünü yaxşı hiss etdiyi və xəstəliyi simptomsuz keçirdiyi bildirilib. Sabah oyunçular və məşqçilər yenidən testdən keçiriləcəklər.
Qeyd edək ki, Munir 2019/2020 mövsümündə UEFA Avropa Liqasının qrup mərhələsinin I turunda "Qarabağ"la Bakıda keçirilən görüşdə (3:0) Ağdam klubunun qapısına qol vurub
