Messi 3 oyunu buraxa bilər

"Barselona" klubunun futbolçusu Lionel Messi La Liqada 3 matçı buraxa bilər. 

Corner.az "Mundo Deportivo" nəşrinə istinadən xəbər verir ki, 33 yaşlı hücumçu 2022-ci ildə Qətərdə keçiriləcək dünya çempionatının seçmə mərhələ matçı üçün Argentinaya yollanacaq. 

Messi İspaniyadan vətəninə getdikdən sonra koronavirus səbəbindən 14 günlük karantində qalmalıdır. Beləliklə, o, Argentinaya yığmanın oyunlarına 2 həftə qalmış getməli  olacaq. 

Qeyd edək ki, Argentina yığması oktyabrın 8-də evdə Ekvador, oktyabrın 13-də səfərdə Boliviya ilə üz-üzə gələcək. "Barselona" La Liqada sentyabrın 17-də "Vilyarreal", sentyabrın 30-da "Selta", oktyabrın 4-də isə "Sevilya" ilə qarşılaşacaq.