Real'ı çalışdırmaq hər məşqçinin xəyalıdır

“Tottenhem”in sabiq baş məşqçisi Mauritsio Poçettino gələcək karyerası barədə danışıb.

Corner.az xəbər verir ki, argentinalı mütəxəssis adının çəkildiyi klublardan təklif almadığını açıqlayıb:

 “Barselona”dan mənə təklif gəlməyib.Düzdür, klubun idman direktoru Ramon Planes ilə nahar etmişəm ancaq onunla 2009-cu ildə “Espanyol”da birlikdə çalışmağa başladığımız bəri dostuq. Adım daima PSJ, “Yuventus” və “İnter” kimi klublarla çəkilib. Onların heç birindən rəsmi təklif gəlməyib. Yalnız “Monako” və “Benfika”dan mənə zəng gəlib, yalan deyəcək deyiləm. Bir müddət “Real”la da adım hallandı. Bu klubu nə vaxtsa çalışdıracağımı bilmirəm. “Real” dünyanın ən yaxşısı klublarından biridir. Orada çalışmaq hər məşqçinin xəyalıdır”.

Qeyd edək ki, Poçettinonun son klubu “Tottenhem”olub.