“Atletiko”nun futbolçusu Dieqo Kosta zədələnib. Corner.az "AS" nəşrinə istinadən xəbər verir ki, 32 yaşlı hücumçu La Liqanın 5-ci turunda “Selta” ilə matçda (2:0) əzələsindən xəsarət alıb. Onun ən az 3 həftə yaşıl meydanlardan kənarda qalacağı bildirilib. Bununla da Kostanın Çempionlar Liqasının qrup mərhələsində “Bavariya”, “Zalsburq” və Moskva "Lokomotiv"i, La Liqada isə “Betis”, “Osasuna” və “Kadis”lə oyunlarında komandasına kömək edə bilməyəcək. Qeyd edək ki, D.Kosta bu mövsüm La Liqada 4 oyuna çıxıb və 1 qol vurub.