"Real”ın xorvatiyalı futbolçusu Luka Modriç sabiq komandası “Tottenhem”ə mümkün qayıdışı haqda açıqlama verib.
Corner.az xarici mətbuata istinadən xəbər verir ki, 35 yaşlı yarımmüdafiəçi, sabiq komandasına qayıtmasının mümküm ola bilməyəcəyini bildirib:
“Tottenhem”ə qayıtmaq üçün çox yaşlıyam. Bu ili “Real”da keçirəcəm, daha sonra nə olacaq, görəcəyik. Özümü yaxşı hiss edirəm və daha bir neçə il futbol oynaya bilərəm. Növbəti ünvanım hara olacaq? Həqiqətən, bilmirəm. Hazırda bütün diqqətim “Real”dadır və bütün titulları qazanmaq istəyirik”.
Qeyd edək ki, Modriçin “Real”la müqaviləsi 2021-ci ilin yayına qədərdir. O, 2008-2012-ci illər aralığında “Tottenhem”də çıxış edib.
