Uruqvay yığmasının üç üzvü koronavirusa yoluxub.
Corner.az xəbər verir ki, bu barədə Uruqvay Futbol Federasiyasının mətbuat xidməti məlumat yayıb.
Məlumatda Luis Suares, Rodriqo Munoz və Matias Faraldan götürülmüş COVİD-19 testlərinin nəticəsi pozitiv çıxdığı bildirilib. Onların hər üçü karantinə alınıb. Bu isə Suares də daxil olmaqla sözügedən oyunçuların dünya çempionatının seçmə mərhələsi çərçivəsində Braziliya ilə oyunu buraxacağı deməkdir.
Qeyd edək ki, sözügedən qarşılaşma noyabrın 18-də baş tutacaq.
