“Sevilya” klubunun qapıçısı Yassin Bunu koronavirusa yoluxub.
Corner.az xəbər verir ki, bu barədə La Liqa klubunun rəsmi saytı məlumat yayıb.
Məlumatda, Mərakeş yığmasının düşərgəsindən dönən futbolçudan götürülmüş COVİD-19 testi pozitiv çıxdığı bildirilib. Bu səbəbdən də 29 yaşlı qolkiper karantinə alınıb.
Bu gün baş tutacaq “Selta” ilə La Liqa matçı üçün sifariş olunmayan Bunu, noyabrın 24-də baş tutacaq Rusiya “Krasnodar”ı ilə UEFA Çempionlar Liqası matçında da iştirak etməyəcək.
