Uruqvay millisinin və “Atletiko”nun hücumçusu Luis Suares koronavirusa qalib gəlib.
Corner.az xəbər verir ki, bu barədə Madrid təmsilçisinin rəsmi saytı məlumat yayıb.
Məlumatda, 33 yaşlı forvardın sonuncu COVİD-19 testinin neqativ çıxdığı bildirilib. Suares, dekabrın 4-dən etibarən komanda ilə məşqlərə başlayacaq.
Qeyd edək ki, Suares koronavirusa noyabrın 17-də Uruqvay yığmasının düşərgəsində olarkən yoluxmuşdu.
