Kuman Barselona'dakı problemlərdən danışdı

"Barselona"nın baş məşqçisi Ronald Kuman La Liqada "Levante" ilə oyun öncəsi komandadakı problemlərdən danışıb.

Corner.az "Marca"ya istinadən xəbər verir ki, o, komandasının qeyri-sabit çıxış etdiyini deyib: Bizə təzyiq göstərəcək rəqiblə oynayacağıq. Topla hərəkət edərkən, epizodlar yaratarkən diqqətli olmalıyıq. Həftə ərzində üç oyunumuz olacaq, hamısında qələbə qazanmalıyıq. "Barselona"da nəsə çatmır. La Liqadakı nəticələr lazım olduğu səviyyədə deyil. Standart vəziyyətlərdə, konsentrasiya ilə bağlı problemlər var.

Bəzən daha aqressiv olmalısan. Çox şans yaradırıq, amma qola çevirmək faizi azdır. Komanda qeyri-sabitdir. Bir şeylər yaxşılaşdırılmalıdır. Bunu etsək, matçlarda qalib gələcəyik, buna əminəm".(qol)