"Real” İspaniya La Liqasının 13-cü turu çərçivəsində “Atletiko”ya 2:0 hesabı ilə qalib gəlib.
Corner.az xəbər verir ki, bu matç “kral klubu”nun hücumçusu Kərim Benzema üçün əlamətdar olub.
Bu, fransalı futbolçunun bütün turnirlər nəzərə alınmaqla, “Real”ın heyətində 528-ci matçı olub. Bununla da, o, Madrid klubunun heyətində ən çox oyun keçirən futbolçu olub.
Benzema bu göstəricidə Roberto Karlosu geridə qoyub. Sabiq futbolçu “Real”da 527 oyun keçirmişdi.
