Messi'nin hər gün 3 qol vurması normal deyil

"Barselona"nın baş məşqçisi Ronald Kuman komandanın İspaniya çempionatında perspektivləri və Kataloniya klubunun kapitanı Lionel Messinin oyunu barədə də fikirlərini bildirib.

Corner.az xəbər verir ki, hollandiyalı mütəxəssis, bununla bağlı "Mundo Deportivo"ya açıqlamasında deyib:

“Həmişə cədvəldə birinci yerdə olan komandaya baxıram. "Atletiko" La Liqada çox güclüdür, çox qol vurur və qalib gəlir. Xal itirə bilməyəcəyiniz bir vəziyyətdəyik. Realist olmalıyıq.

Messi? O qalibdir. Məşq etməyi və oynamağı sevən bir oyunçudur. Məğlub olsaq, mənim kimi hirslənir. Leo qayıtdıqdan sonra ilk gündən komanda üçün əlindən gələni etdi. Onun oyunu son matçda rəqibi məğlub etməyimizə kömək etdi, lakin Messinin hər gün üç qol vurması normal deyil".