Futbol mənim üçün puldan önəmlidir - Messi

"Barselona"nın argentinalı hücumçusu Lionel Messi futbolun şəxsi həyatındakı əhəmiyyətindən danışıb.

Bu barədə Corner.az “BarçaTimes"ə istinadən xəbər verir.

"Pul daha yaxşı yaşamağa imkan verir, amma o mənə ilham vermir. Mən futbol oynamaq üçün yaşayıram, onun maliyyə xeyrinə görə yox. Mən özüm üçün deyil, komanda üçün oynayıram", - Messi deyib.

Messinin "Barselona" ilə müqaviləsi 30 iyun 2021-ci ilə qədər qüvvədədir. 33 yaşlı futbolçu ilə  "Mançester Siti" və PSJ klubları yaxından maraqlanır.

Qeyd edək ki, Messi "Barselona"da 23 matçda iştirak edərək 15 qol vurub, 6 məhsuldar ötürmə ilə yadda qalıb.