Soldado Kumanı təlxək adlandırdı

İspaniya Kubokunun 1/4 final mərhələsinin ev oyunundan sonra "Qranada"nın futbolçusu Roberto Soldado ilə "Barselona"nın baş məşqçisi Ronald Kuman arasında münaqişə baş verib.

Corner.az-ın məlumatına görə, 58 yaşlı mütəxəssisin qələbə sevincini həzm edə bilməyən ispaniyalı hücumçu onu təlxək adlandırıb.

35 yaşlı futbolçu niderlandlı mütəxəssisin təvazükarlıqdan uzaq olduğunu bildirib: "O, axmaq, eyni zamanda kloundur".

Qeyd edək ki, Soldado "Barselona" ilə matçda 2 qol vuraraq komandasını önə çıxarsa da, qonaqlar son dəqiqələrdə hesabı bərabərləşdirə biliblər. Əlavə vaxtda daha 3 dəfə fərqlənən kataloniyalılar 5:3 hesablı qələbə sayəsində yarımfinala vəsiqə qazanıblar.