“Barselona” klubu ciddi itki ilə üzləşib.
Corner.az xəbər verir ki, Kataloniya təmsilçisinin müdafiəçisi Ronald Arauxo sıradan çıxıb.
Bu barədə klubun mətbuat xidməti məlumat yayıb. 21 yaşlı futbolçu La Liqanın 22-ci turu çərçivəsində “Betis”ə qarşı keçirilən səfər matçının (3:2) 10-cu dəqiqəsində zədələnərək meydanı tərk edib.
Arauxonun son durumu tibbi müayinədən sonra bilinəcək. Uruqvaylı futbolçunun bir neçə həftə yaşıl meydanlardan uzaq qalacağı gözlənilir.
Qeyd edək ki, Arauxo bu mövsüm La Liqada 12 oyuna çıxıb.