- İspaniya L.L.
- 22:07 23.10.2024
İspaniya La Liqanın 22-ci turunda “Atletiko Madrid” doğma meydanda “Selta”nı qəbul edib.
Corner.az xəbər verir ki, “Vanda Metropolitano” stadionunda keçirilən görüş 2:2 hesabı ilə yekunlaşıb. Madrid klubunun hücumçusu Luis Suares oyunda dubl edib.
Beləliklə, 34 yaşlı futbolçu “Atletiko”nun formasını geydiyi 17 oyunda 16 dəfə fərqlənərək, 21-ci əsrdə özünün debüt mövsümündə ən çox qol vuran futbolçu olub. Bunun üçün ona ən qısa oyun vaxtı lazım gəlib. Əvvəlki rekord göstərici 2009/2010 mövsümündə “Real Madrid”in heyətində 17 oyunda 15 qol vuran Kriştiano Ronaldoya məxsusdur.
Qeyd edək ki, uruqvaylı hücumçu 2020-ci ilin sentyabrında "Barselona"dan ayrılaraq müstəqil agent kimi "Atletiko"ya qoşulub. Onun Madrid klubu ilə müqaviləsi 2022-ci ilin yayına qədər qüvvədədir.