Zidandan Fransa millisi ilə bağlı açıqlama

"Real"ın baş məşqçisi Zinəddin Zidan gələcəkdə Fransa millisinə rəhbərlik edəcəyini istisna etməyib.

Corner.az ESPN-ə istinadla xəbər verir ki, 48 yaşlı mütəxəssis, Fransa Futbol Federasiyasının prezidenti Noel Le Qrenin bununla bağlı fikirlərinə cavab olaraq deyib:

"Mənim onunla əla münasibətim var. Biz 1998-ci ildən tanışıq. Nə vaxtsa Fransa millisinin baş məşqçisi ola bilərəm. 10 il əvvəl məşqçiliyə başlayanda da bunu demişdim. Hazırda isə mən "Real"da işləyirəm və klubu bəyənirəm. Baxaq görək gələcəkdə nə olur".

Xatırladaq ki, Fransa Futbol Federasiyasının prezidenti Noel Le Qre Didye Deşamın mümkün gedişindən sonra Zidanın millinin baş məşqçiliyinə əsas namizəd olacağını deyib.(qol)