Barselona'nın zədəlisi üçün mövsüm bitə bilər

"Barselona”nın zədəli futbolçusu Ansu Fatinin sağalma müddəti uzana bilər.

Corner.az xəbər verir ki, 18 yaşlı hücumçunun zədəsi gec sağalır. Bu barədə “Catalunya Radio” məlumat yayıb. Məlumatda, Fatinin yenidən əməliyyat edilməsinə ehtiyac duyula biləcəyi vurğulanıb. İspaniyalı futbolçunun əməliyyatı ilə bağlı qərar yaxın zamanda veriləcək.

Ötən ilin noyabrında zədələnən Fati yenidən əməliyyat olunacağı halda, mövsümün qalan hissəsində komandasına kömək edə bilməyəcək.

Gənc futbolçunun martın sonuna qədər sağalacağı gözlənilirdi. Fati bu mövsüm La Liqada 7 oyunda 4 qol vurub.