La Liqa rəhbərliyindən Messi'yə məsləhət

İspaniya La Liqasının prezidenti Xavyer Tebas “Barselona”nın futbolçusu Lionel Messiyə məsləhət verib.

Corner.az xarici mətbuata istinadən xəbər verir ki, Tebas, 33 yaşlı hücumçuya “Barselona”da qalmağı məsləhət görüb:

“Ümid edirəm ki, Messi komandasında qalacaq. O, tarixinin ən yaxşı futbolçusudur. Futboldakı son illərini düşünürsə, “Barselona”da qalmalıdır. Burda başlayıb və burda da bitirməlidir. PSJ və ya “Mançester Siti”yə getsə, ona olan maraq azalacaq.

Rəqabət klublara və heyətlərə bağlıdır. Kriştiano Ronaldo “Yuventus”a, Neymar PSJ-yə getdi. Fransa və İtaliya çempionatının dünyanın ən yaxşısı olduğunu görmədim. Çempionatlar futbolçulara bağlı deyil”.