Barcelona İspaniya La Liqasının 9-cu turunun Sevilla ilə oyununun ilk hissəsində ciddi itki ilə üzləşib.
Corner.az Goal.az-a istinadən xəbər verir ki, Kataloniya klubunun hücumçusu Lionel Messi 26-cı dəqiqədə qonaq komandanın yarımmüdafiəçisi Franco Vazquezlə toqquşmadan sonra zədələnib. Yerə düşən zaman sağ dirsəyindən xəsarət alan argentinalı futbolçu oyunu davam etdirə bilməyib və Ousmane Dembele ilə əvəzlənib.
Qeyd edək ki, Messi komandası 2:0 hesabı ilə öndə olarkən zədələnib.
Xatırladaq ki, Barcelona növbəti oyununu oktyabrın 24-də Çempionlar Liqasında İnter-ə qarşı keçirəcək. Kataloniyalılar 4 gün sonra isə "El-Classico"da Real-la üz-üzə gələcəklər. Messinin həmin oyunlarda oynayıb-oynamayacağı tibbi müayinədən sonra bilinəcək.
