Zidan Ramos'un zədələnməsindən danışdı

"Real”ın baş məşqçisi Zinəddin Zidan İspaniya milli komandasının düşərgəsində zədələnən Serxio Ramosla bağlı açıqlama verib.

Corner.az xəbər verir ki, AS nəşrinə danışan fransalı mütəxəssis, 35 yaşlı kapitanın zədələnməsi haqda belə deyib:

“Ramosun zədələnməsində günahkar yoxdur. Nə milli komanda, nə də “Real” belə şeyin olmasını istəyərdi. Zədələr futbolun sevmədiyimiz tərəfidir. Ancaq indi bu vəziyyəti qəbul etməliyik. Ramosun qısa müddətdə sağalmasını istəyirik. O, bizim üçün vacib oyunçu və kapitandır”.

Ramos zədə səbəbindən azı bir ay yaşıl meydanlardan uzaq qalacaq.