Zidan Betis'lə oyundan danışdı

"Real”ın baş məşqçisi Zinəddin Zidan La Liqanın 32-ci turu çərçivəsində “Betis”ə qarşı keçirdikləri matçı şərh edib.

Corner.az xarici mətbuata istinadən xəbər verir ki, fransalı mütəxəssis, 0:0 hesabıyla bitən görüşlə bağlı bunları deyib:

“Fiziki baxımdan problemimiz yox idi. Son oyunlarda daha yaxşı çıxış edirik. Qələbə qazanmaq istəyirdik, olmadı. Şanslarımızdan yararlana bilmədik.

Qalan oyunlarda rəqiblərimizin də maksimum xal qazanacağını düşünmürəm. Bu baş versə, La Liqanı qazana bilməyəcəyik”.

Qeyd edək ki, “Real” hazırda La Liqada 71 xalla 2-ci sıradadır.