Barselona'nın qapıçısı Arsenal'ın hədəfində

“Barselona”nın futbolçusu Neto karyerasını İngiltərədə davam etdirməyə yaxındır.

Corner.az xəbər verir ki, 31 yaşlı qapıçı  ilə “Arsenal” yaxından maraqlanır. Bu barədə “Mundo Deportivo” məlumat yayıb.  Məlumatda, “Arsenal”ın  braziliyalı qapıçının transferi üçün “Barselona”nın nümayəndələri ilə danışıqlara başlayacağı vurğulanıb.

Neto “Barselona”da oyun praktikasının azlığından şikayətçi olduğu üçün "topçular"da çıxış etməyə müsbət yanaşır.

2019-cu ilin yayından “Barselona”da çıxış edən Neto bu mövsüm 11 oyuna çıxıb. Onun klubla müqaviləsi 2023-cü ilin yayına qədərdir.