Atletiko'nu məğlub edin, 150 min avro qazanın

La Liqada qalmaq uğrunda mübarizə aparan “Valyadolid” klubunun prezidenti braziliyalı Ronaldo son oyunda “Atletiko”nu məğlub edəcəkləri təqdirdə, futbolçularına mükafat verəcək.

Corner.az xəbər verir ki, bu barədə İspaniya mətbuatı məlumat yayıb. Məlumatda, 44 yaşlı funksionerin komandasının “Atletiko”nu məğlub edəcəyi halda, hər bir futbolçuya 150 min avro mükafat verəcəyi vurğulanıb.

“Valyadolid” – “Atletiko” matçı bu gün, saat 20:00-da start götürəcək. “Atletiko” bu matçda qələbə qazansa, La Liqada çempion olacaq. “Valyadolid” isə 31 xalla 19-cu sıradadır. Komanda elitada qalmaq üçün qələbə qazanmalı, “Elçe” və “Hueska” isə məğlub olmalıdır.