Real'ın stadionunda yanğın oldu - VİDEO

İspaniyanın paytaxtı Madriddə "Real"a məxsus "Santyaqo Bernabeu" stadionunda yanğın hadisəsi baş verib.

Corner.az-ın "El Chiringuito"ya istinadən məlumatına görə, yanğın arenada bərpa işlərinin getdiyi sahədə olub. Hadisə yerinə özlərini çatdıran yanğınsöndürənlər alovun qarşısını almağı bacarıblar. Hadisədən ciddi zərər çəkən olmadığı bildirilir.

"Kral Klubu" ötən mövsüm ev oyunlarını "Alfredo di Stefano" stadionunda keçirib. "Real"ın "Santyaqo Bernabeu"ya gələn mövsümdən qayıdacağı gözlənilir. Stadionda bərpa prosesi zamanı yeni müasir meydança qurulacaq, oturacaqlar dəyişdiriləcək və yeni müasir avdanlıqlarla gətiriləcək.

Qeyd edək ki, 2020/2021 mövsümündə "Real Madrid" La Liqada ikinci yeri tutub.