O, Barselona'ya keçməyim üçün çox israr etdi - Depay

"Barselona”nın yeni transferi Memfis Depay klubun saytına komandaya keçidi ilə açıqlama verib.

Corner.az xəbər verir ki, niderlandlı hücumçu, Kataloniya təmsilçisinə keçidində baş məşqçi Ronald Kumanın böyük rol oynadığını deyib:

“Bu, xüsusi bir gündür. Burada olmaqdan məmnunam və hər kəslə tanış olmaq üçün səbrsizlənirəm. Tətildən yeni qayıtmışam və indi diqqətimi işimə verməliyəm. Komandaya mümkün qədər tez uyğunlaşmağa çalışacam.

Baş məşqçi Ronald Kumanla işləmişəm, onun rəhbərliyi altında yığmada çıxış etmişəm. Zədələndiyim vaxtlarda mənə çox kömək olub. Daha güclü qayıtmağım üçün məni dəstəkləyib. O, “Barselona”ya keçməyim üçün çox israr etdi. İndi burada olduğum üçün çox xoşbəxtəm. Döyüşə hazıram”.

“Barselona” Depayla 2 illik müqavilə imzalayıb