Depay komandanın səviyyəsini daha da artırıb - Kuman

“Barselona”nın baş məşqçisi Ronald Kuman yeni transferləri Memfis Depayın yoxlama oyunlarında sərgilədiyi performansla bağlı açıqlama verib.

Corner.az xəbər verir ki, “Marca” nəşrinə danışan niderlandlı mütəxəssis, 27 yaşlı hücumçunun “Barselona”nı daha yaxşı səviyyəyə çıxardığını deyib:

“İnsanlar Memfisi yaxşı tanıyır. O, daha əvvəl “Mançester Yunayted” və “Lion”da özünü ən yaxşı şəkildə göstərə bilib. O, gəlişi ilə komandamızın səviyyəsini daha da artırıb. “Ştutqart”la matçda Antuan Qrizmannla birlikdə yaxşı çıxış etdi. Komandamın bütün oyunçularının həmin matçda sərgilədiyi performansdan razı qaldım”.

Depay ötən ay “Barselona” ilə 2 illik müqavilə imzalayıb. Niderlandlı hücumçu yeni komandası ilə 2 yoxlama matçında 2 qolla yadda qalıb..