“Hazırkı xal fərqi utancvericidir” – Ramos

İspaniya La Liqasının son turunda Barcelona'ya məğlub olan Real Madrid'in müdafiəçisi Sergio Ramos, oyundan sonra açıqlama verib.

Corner.az İspaniya mətbuatına istinadən xəbər verir ki, 32 yaşlı müdafiəçi, çempionluq şanslarının qalmadığını bildirib: “Rəqibi təbrik edirəm. Yaxşı oynasaq da, bu, kifayət etmədi. Futbolda qol vurmaq çox vacibdir, amma biz bunu edə bilmirik.Bu nəticəylə də çempionluğa “əlvida” dedik. Mübarizə aparmağa davam edəcəyik, amma hazırkı xal fərqi utancvericidir”.

 Lionel Messi ilə yaşadığı gərginliyi şərh edən təcrübəli futbolçu, “Messiyə etdiyim ani bir hərəkət idi. Qəsdən etməmişdim” deyə qeyd edib.

Corner.az