40 illik karyeramda belə bir şeylə rastlaşmamışdım - Setyen

“Barselona”nın keçmiş baş məşqçisi Kike Setyen maraqlı açıqlama verib.

Corner.az xəbər verir ki, “Mundo Deportivo” nəşrinə danışan 62 yaşlı mütəxəssis, Kataloniya təmsilçisində işlədiyi dövrlə bağlı fikirlərini söyləyib:

“Barselona”nı çalışdırmağa razılıq vermişdim. Çünki bu, yeganə şansım idi. Kluba çətin dövrdə gəldim və seçimlərin yaxşı olmadığını bilirdim.“Barselona”ya gələndə şok olmuşdum. 40 illik karyeramda belə bir şeylə rastlaşmamışdım. Heç nə qaydasında getmirdi. Paltardəyişmə otağında xoşbəxt olmayan bir komanda görürdüm. Həqiqətən, çox təəccüblənmişdim. Nəticələr gözlədiyimiz kimi alınmadı və uğursuz oldu. Buna səbəbkar kimi isə mən göstərildim. Məsuliyyətin bir hissəsi məndə olsa da, ancaq düşünürəm mənim yerimdə kim olsaydı, o da bu cür uğursuz olacaqdı”.

Setyen 2020-ci ilin yanvarından avqustuna kimi “Barselona”nı çalışdırıb