Real Madrid futbolçusunu itirdi - 2 ay
Çempionlar Liqasının 1/8 final mərhələsinin Ajax'la cavab oyununun ilk hissəsində zədələnən Real Madrid'in hücumçusu Vinicius Juniorun son durumu məlum olub.
Corner.az xəbər verir ki, tibbi müayinədən keçən braziliyalı hücumçunun sağ ayaq topuğunda bağların qopduğu məlum olub.Klubun həkimləri 18 yaşlı futbolçunun hansı müddətə sıradan çıxdığını açıqlamasa da, İspaniya mətbuatı onun ən azı 2 ay yaşıl meydanlardan kənarda qalacağını yazıb.Qeyd edək ki, Ajax"la matçın 35-ci dəqiqəsində zədələnən Vinicius Marco Asensio ilə əvəzlənmişdi.