Laporta Barselona'nın borcunu açıqladı

"Barselona" klubun prezidenti Xuan Laporta klubun borcunun 1,35 milyard avro olduğunu açıqlayıb.

Corner.az-ın məlumatına görə, 59 yaşlı funksioner mətbuat konfransında klubun maliyyə vəziyyəti ilə bağlı açıqlamalar verib.

İkinci dəfə Kataloniya təmsilçisində prezident seçilən Laporta, oyunçuların maaşının klubun gəlirindən çox olduğunu bildirib.

"Futbolçulara verdiyimiz maaşlar klubun ümumi gəlirinin 103% -ni təşkil edir.Rəqiblərimizdən 20-25% çox. 451 milyon avro zərərimiz var. Covid-19 səbəbiylə 91 milyon avro itirdik.

Bura çatanda klubun çətin vəziyyətdə olduğunu gördük. İlk etdiyimiz iş" Camp Nou "nun təmiri üçün 80 milyon avroluq kredit tapmaq idi. 553 milyonluq mənfi dövriyyə kapitalımız var. Bu, yüksək məbləğdir və düşdüyümüz vəziyyətdən xəbər verir". - deyə klubun prezidenti qeyd edib.

O, həmçinin illik maliyyə itkisinin 481 milyon avro olduğunu, koronavirus pandemiyası səbəbindən cəmi 550 milyon avro kredit götürə bildiklərini əlavə edib.