“Real” klubunun ev oyunlarını keçirdiyi “Santyaqo Bernabeu” stadionunda yenidənqurma işləri başa çatmaq üzrədir.
Corner.az xəbər verir ki, "Kral klubu" artıq gələn aydan ev oyunlarını doğma stadionunda keçirə biləcək.Bu barədə “Mundo Deportivo” nəşri məlumat yayıb.
Məlumatda, “Real”ın La Liqanın 4-cü turu çərçivəsində “Selta”ya qarşı sentyabrın 11-də keçirəcəyi ev oyununun “Santyaqo Bernabeu” stadionunda oynanılacağı vurğulanıb.
Xatırladaq ki, “Santyaqo Bernabeu” stadionu ötən ildən təmirə bağlanıb. “Real” bu səbəbdən ev oyunlarını 6 min nəfərlik tutumu olan “Alfredo Di Stefano” stadionunda keçirir.
