Atletiko və Real'dan əzmkar qələbə

İspaniya La Liqasında 4-cü turun oyunları keçirilir.

Corner.az xəbər verir ki, lider “Real” bu turda doğma meydanda “Selta” ilə qarşılaşıb. Yeddi qolun qeydə alındığı matçda Madrid klubu darmadağınla qalib gəlib. Madridin digər təmsilçiis “Atletiko” isə səfərdə “Espanyol” üzərində əzmkar qələbə qazanıb.

Turun “Vilyarreal” – “Alaves” və “Sevilya” – “Barselona” matçları təxirə salınıb. Buna bu klubların futbolçularının DÇ-2022-nin seçmə mərhələ oyunları ilə əlaqədar millinin düşərgəsindən gec qayıtması səbəb olub.

İspaniya La Liqası, 4-cü tur

11 sentyabr

Levante – Rayo Valyekano 1:1
Qol: Marti, 39-pen – Qvardiola, 90+2.

Atletik – Malyorka 2:0
Qol: Vivian, 68. Uilyams, 74.

12 sentyabr

Espanyol – Atletiko 1:2
Qol: De Tomas, 40 – Karrasko, 79. Lemar, 90+9.

Osasuna – Valensiya 1:4
Qol: Monkayola, 8 – M.Qomes, 26. A.Hernandes, 51-öz qapısına. Quedes, 55. Alderete, 73.

Kadis – Real Sosyedad 0:2
Qol: Oyarzabal, 71; 84-pen.

Real – Selta 5:2
Qol: Benzema, 24; 46; 87. Vinisius, 54. Kamavinqa, 72 – Mina, 4. Çervi, 31.